Білім қызметкерлері марапатталды

27 тамыз 2020 жылы Қызылорда облыстық білім және ғылым қызметкерлері кәсіподақ комитетінің төрайымы Есқалиева Гүлнар Бабабекқызы мен аудандық білім бөлімінің басшысы Нәзікбаев Дастан Мырзабекұлы Қармақшы ауданы ұстаздарын 30 тамыз Конституция күнімен және 2020-2021 жаңа оқу жылымен құттықтады. Білім саласы қызметкерлерінің кәсіподақ комитеті тарапынан қашықтықтан оқыту кезінде ұстаздарымызға қолдау көрсету мақсатында 32 дана ноутбук ұстаз мүддесіне пайдалану мақсатында табысталды және біршама білім қызметкерлері облыстық кәсіподақ комитетінің Құрмет грамотасымен марапатталды.
Жаңа оқу жылы қарсаңында аудандық кәсіподақ комитеті дәстүрлі «Мектепке жол» акциясы аясында білім қызметкерлерінің балаларына оқу құралдарын табыс етті.
Барша ұстаздарымызды жаңа 2020-2021 оқу жылымен құттықтаймыз. Білім көшін алға жылжытып келе жатқан ұстаздар қауымына құрмет арта берсін!