Білім беру саласында көп жылдар бойы еңбек еткен сала ардагерлері және біршама мекеме басшылары "Қазақстандық салалық білім кәсіподағының" Құрмет грамотасымен марапатталса, №121 мектеп директоры Б.Жұмабаев және №26 мектеп директоры М.Ергалиева "Білім қызметкерлерінің кәсіподағына сіңірген еңбегі үшін" төсбелгісін иеленді. №273, №275 орта мектеп ұжымдары «Үздік әлеуметтік әріптес», №279 орта мектеп ұжымы «Жаңа идеялар жаршысы», №80 мектеп-гимназия «Ынтымағы жарасқан ұжым» атты облыстық номинациялармен және бағалы сыйлықтармен марапатталды. Жиын соңында облыстық кәсіподақ комитетінің ұйымдастыруымен бастауыш кәсіподақ ұйымының төрағаларына және шығармашылықпен жұмыс жасап жүрген қоғамдық жұмыстарға белсенді жас ұстаздарға Шымкент қаласындағы «Біркөлік» шипажайына жолдама табыс етілді.
