Білім саласындағы ер азаматтар құрмет төрінде

qarmaqshy-tany.kz Кеше Қармақшы ауданы бойынша білім бөлімі және аудандық білім бөлімінің кәсіподақ комитетінің ұйымдастыруымен 7 мамыр - Отан қорғаушылар күні, 9 мамыр - Жеңіс күніне арналған салтанатты жиын өткізілді.

Салтанатты кешке Қызылорда облыстық білім қызметкерлері кәсіподағының төрайымы Гүлнар Есқалиева және аудандық білім бөлімінің басшысы Гүлзира Абдазиева қатысып, білім саласы ардагерлері мен ер азаматтарын арнайы құттықтап, ер мұғалімдерімізді Қызылорда облыстық білім басқармасы мен білім бөлімі кәсіподағының бірлескен Құрмет грамоталарымен марапаттап, сый-сияпат көрсетті. Жиын соңы аудан өнерпаздарының ән-шашуымен ұласты.