Мерейлі мерекелер аясындағы марапат иегерлері
qarmaqshy-tany.kz Білім бөлімі мен аудандық кәсіподақ комитетінің ұйымдастыруымен қазан айындағы есепшілер күні, кәсіподақтар күні және кітапханашылар мерекесіне орай білім саласын дамытуда өзіндік үлес қосып жүрген сала мамандарын марапаттау іс –шарасы өткізілді.
Аталмыш іс -шара аясында аудандық білім бөлімінің басшысы Г.Абдазиева алғы сөз алып, білім беру саласының жан-жақты дамуына сала мамандарының еселі еңбек үлесі мол екендігін тілге тиек етіп, қызметтеріне сәттілік тіледі.
Салтанатты шарада 80-ге жуық білім саласының қызметкерлері марапатталып, құрмет төрінен көрінді.
Сондай-ақ, биылғы бітіруші түлектер бойынша «Алтын белгіге» ие болған оқушылардың бастауыш сынып ұстаздарына Түркістан облысында орналасқан «Бір көлік» демалыс шипажайына жолдамалар табысталып, жиын соңы аудан өнерпаздарының ән-шашуымен ұласты.
