Кандидаттармен кездесу
Жосалы кенті әкімі аппаратының мәжіліс залында облыстан Қазақстан Республикасы Парламенті Сенатының шығып қалған депутатының орнына кандидаттар Н.Байқадамов, А.Есмаханов және А.Жүнісовпен кездесу өтті.
Оған аудандық мәслихат депутаттары, қоғамдық ұйым, бұқаралық ақпарат құралдарының өкілдері, ардагерлер қатысты. Жиынды аудандық мәслихат төрағасы Ә.Қошалақов жүргізіп, кандидаттардың өмірбаянымен таныстырды.
Кездесуде аудандық мәслихат депутаттары, аудандық ардагерлер кеңесінің төрағасы А.Мереков, аудандық «Қармақшы таңы» газетінің бас редакторы С.Райымбаева және жастар тарапынан да түрлі ұсыныс-пікір айтылып, елдік мәселедегі ойларымен бөлісті.
Жиын соңында аудандық қоғамдық кеңесінің төрағасы Ә.Құлдүйсенов қазақтың дәстүрімен үміткерлерге ақ жол тілеп, аталық батасын берді.
«ҚТ» ақпарат
