Жолдаудың басым бағыттары түсіндірілді
Бүгін «Amanat» партиясының аудандық филиалында Мемлекет басшысы Қасым-Жомарт Кемелұлы Тоқаевтың Қазақстан халқына арнаған Жолдауынан туындайтын кәсіпкерлікті қолдау және тиімді салық саясаты бойынша жүктелген міндеттер талқыланды.
Жиынға Жолдауды түсіндіру мақсатында құрылған ақпараттық насихаттық топ жетекшісі, аудандық мәслихат хатшысы Әділ Қошалақов, топ мүшесі, аудандық ардагерлер кеңесінің төрағасы Асқар Мереков және аудандық кірістер басқармасы, аудандық қаржы, аудандық экономика және бюджеттік жоспарлау бөлімдерінің қызметкерлері қатысты.
Жиында аудандық мәслихат хатшысы Ә.Қошалақов сөз алып, ел Президенті Жолдауының бірінші «Жаңа экономикалық саясат» бағытына терең тоқталып, сала мамандарын Мемлекет басшысы тапсырған міндеттерді орындауға жұмыла кірісіп, сапалы жұмыс атқаруға шақырды.
Сондай-ақ, аудандық ардагерлер кеңесінің төрағасы А.Мереков және жиынға қатысушылар Жолдауда белгіленген бағыттар бойынша сөз қозғап, өз ұсыныс-пікірлерін айтып, қолдау білдірді.
