Маңызды Жолдау мәдениет саласы өкілдерімен талқыланды

Бүгін аудандық мәдениет және өнер саласы қызметкерлерінің қатысуымен Мемлекет басшысы Қасым-Жомарт Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына жолдауы талқыланды.

Жиында аудандық мәсхилат хатшысы, қоғамдық штаб мүшесі Әділ Үсенұлы және «Amanat» партиясының аудандық филиалының атқарушы хатшысы Дастан Буханов Жолдаудағы негізгі басымдықтарға кеңінен тоқталып, мән-маңызын түсіндірді.

Жиынға қатысушылар Жолдаудың негізгі басым бағыттары туралы ойларын ортаға салып, пайымды пікірлерін білдірді. Сондай-ақ, жолдаудағы жаңа бағдарламаларды толықтай қолдап, белсенді жұмыс жасауға шақырды.