Білім бөлімінің әдістемелік кабинетінің жұмыс жоспарына сәйкес Т.Жүргенов атындағы №80 мектеп-гимназиясында “Шығармашылық ізденіс-шеберлік шыңының баспалдағы” тақырыбында аудандық шебер сынып болып өтті.

Педагог қызметінің жалпы және кәсіби құзырлығын қалыптастыруда әдіс-тәсілдерді қолдануы және тәжірибе алмасу, шебер сыныпқа қатысушыларға әдістемелік көмек көрсету мақсатында өткізілген шарада

кәсіби білім-білік, дағдыны дамыту, педагогтің жалпы мәдени дамуын, кәсіби маңызды сапаларын жетілдіру мақсатындағы мазмұнды жұмыстар жүргізілді.

Семинар аясында тәжірибелі педагогтер мұғалім жұмысын оңтайландыру мақсатында түрлі коучингтер, интеллектуалды ойындар мен креативті клостер секілді жұмыстармен, озық педагогикалық тәжірибелерімен бөлісті.

Сондай-ақ, шебер сынып алаңындағы жұмыстардың интерактивті форматтарының арқасында қатысушы педагогтер жаңа технологиялар мен тәсілдерді үйреніп қана қоймай, оларды тәжірибе жүзінде қолдана алды.

Семинар соңында аудандық білім бөлімінің әдістемелік кабинет меңгерушісі Наукебаева Шырын Мирамбекқызы қорытындылап, пән мұғалімдері алдағы уақытта осы алған іс-тәжірибелерін өз сабақтарында қолданып, креативті, заманауи ұрпақ қалыптастыруға ықпал етсе деген ізгі тілегін жеткізіп, ұйымдастырушы ұжым мүшелеріне алғысын білдірді.