Семинар - тәжірибе алмасудың мүмкіндігі

qarmaqshy-tany.kz Қармақшы ауданы бойынша білім бөлімінің ұйымдастыруымен №199 орта мектебінде тарих пәнінің «Жаңа әлемдегі – жаңа тарих: оқытудың қазіргі заман технологиясы» тақырыбында аудандық семинар-практикум өткізілді.

Тарих пәнін оқытуда жаңа әдіс-тәсілдерді тиімді қолдану жолдарын меңгерту, дамыту, тәжірибе алмасу бағытында өткізілген іс-шараға аудандық білім бөлімінің әдістемелік кабинеттің меңгерушісі Шырын Мейрамбекқызы мен Айгүл Әділбекқызы және аудан көлеміндегі мектептерден 16 тарих пәнінің мұғалімдері қатыстырылды.

Семинарға келген меймандарға әдеби-сазды қойылымы тарту етіліп, мектеп психологы «Танысу» тренингін жүргізді.

Өз кезегімен тарих пәнінің мұғалімдері «Қаңлылардың қалалық мәдениетінің дамуы», «Ұлттық мемлекеттіліктің жаңғыртылуы» тақырыптарында ашық сабақтары көрсетілді.

Сонымен қатар 6-7 сынып оқушылары арасында зияткерлік сайыстар мен 9-10 сынып оқушылары арасында интеллектуалды ойындары жүргізілсе, мектеп кітапханашысы REDx форматында «Мен оқыған бір кітап» тақырыбында 9-10 сынып оқушылары жобаларын қорғатты.

Ұжым ұстаздары өз іс-тәжірибелерімен бөлісіп, заманауи білім ресурстары арқылы оқытудың тиімді әдіс-тәсілдерін тәжірибеде қолданудың жолдарын көрсетіп, өз әріптестеріне кәсіби ізденістері мен педагогикалық шеберліктерін шыңдауға үлес қосты.