«ОҚЫТУ МЕН ОҚУДАҒЫ ЖАҢАША ӘДІС-ТӘСІЛДЕРДІҢ ТИІМДІЛІГІ»
ЖОСАЛЫ, 13 қаңтар – qarmaqshy-tany.kz Жаңартылған білім беру аясында оқыту мен оқуда жоспарлау, бағалау, тиімді әдіс – тәсілдер мен стратегияларды қолдану, сабақты және іс - әрекетті зерттеу тәсілдерін іске асыру дағдыларын дамыту үшін мектебімізде «ОҚЫТУ МЕН ОҚУДАҒЫ ЖАҢАША ӘДІС-ТӘСІЛДЕРДІҢ ТИІМДІЛІГІ» тақырыбында желілік қауымдастық арасындағы ынтымақтастықты қалыптастыру және кәсіби біліктілікті арттыру жолында қолдау көрсету мақсатында аудандық семинар-практикум өткізілді. Семинар-практикум аясында ашық сабақтар, коучингтер, тренингтер жоғары деңгейде ұйымдастырылды.
Атап айтар болсақ, №27 мектеп психологы Г. Тоқбулатова семинар-практикумға қатысушы мұғалімдер арасында танысу тренинг ұйымдастырса, тарих пәнінің мұғалімі Е. ЖЫЛҚЫБАЕВ 9 «А» сынып оқушыларымен «хх ғасырдың 20-30 жылдарындағы білім беру жүйесі мен ғылым» тақырыбында ашық сабақ өткізді.
«Жаңалыққа бастаған – жаңартылған бағдарлама» тақырыбында мектеп директорының бағдарлы оқтыту ісі жөніндегі орынбасары Г. Әбділдаева ата-аналармен мәнді жұмыс ұйымдастырса, орыс тілі мен әдебиеті пәні мұғалім Р. Сейлова «Графикалық органайзерлерді қалай тиімді пайдалануға болады?» тақырыбында семинар-практикумға қатысушылармен коучинг жұмыстарын жүргізді.
Семинар соңында тәжірбиелі мұғалімдер тарапынан осындай семинарларды мектеп шеңберінде ғана емес, ауқымды өткізу мүмкіндігін қарастыру қажет деген пікірлер айтылды.
