Мұғалімдердің семинар-тренингі болып өтті
Облыстық қазақ тілі мен әдебиеті пәні мұғалімдерінің «Білім берудің сапасы: білім беру мазмұнын жаңартуды іске асыру жағдайындағы жаңа тәсілдер» тақырыбындағы облыстық семинары 13.04.2018 жылы Қармақшы ауданындағы №26 мектепте ұйымдастырылды. Білім беру мазмұнын жаңарту жағдайында қазақ тілі мен әдебиеті пәні мұғалімдерінің кәсіби дамуына ықпал ету, оқушыларға қазақ тілі мен әдебиеті пәнін оқытуда сын тұрғысынан ойлау қабілеттерін ашатындай әдістерді қолдана отырып, жаңашыл сабақтар өткізу, қазақ тілі мен әдебиеті пәнін оқытуда оқушылардың шығармашылық дағдыларын қалыптастыру бағытында жұмыстарды тиімді ұйымдастыру, жаңартылған білім беру бағдарламасы бойынша инновациялық тәжірибелерді насихаттау мақсатында шеберлік сыныбы мен коучингтер ұйымдастыру мақсатында өткен семинар жұмысы өте жақсыға бағаланды.Семинарға “Назарбаев зияткерлік мектебі” ДББҰ Педагогикалық шеберлік орталығының Қызылорда қаласындағы филиалының аға менеджері Джансугирова Жайнагүл, облыстық оқу орталығының жалпы білім беру бөлімінің әдіскері Ахметова Ақсауле,жаңартылған білім беру аясында қазақ тілі мен әдебиеті пәні мұғалімдерінің біліктілік арттыру курстарының тренері Сайдалиева Эльмира қатысты.
