Аудандық семинар өткізілді

Аудандық әдістемелік кабинет пен мектебіміздің бірлесе ұйымдастыруымен химия пәнінен "Химия пәні бойынша жаңартылған білім берудің тиімділігі» тақырыбындағы аудандық семинар өткізілді. Семинар мақсаты: Сабақ үдерісінде химия пәнін меңгертудегі тиімді әдіс-тәсілдерді қолдана отырып мұғалімдер арасында тәжірибе алмасу. Семинар барысында мектептің химия пәнінің мұғалімдері Г.Дегенбаева мен Ж.Төреханова жаңартылған білім беру бағдарламасы аясында пәнді игеруге қажетті тиімді әдіс-тәсіл түрлері мен химия пәні бойынша таңдау пәндерін оқытудың әдістері туралы жан-жақты мәлімет берді. Сонымен қоса мектеп тренері А.Өтегенова жаңартылған білім бағдарламасының ерекшеліктері мен саралау түрлері туралы қосымша мәлімет айтып, мұғалімдерге іс-тәжірибесімен бөлісті. Семинар соңында үй жағдайында жасауға болатын химия пәнінен тәжірибе жұмыстары көрсетілді. Семинарды қорытындылау үшін қатысушы әріптестерден GoogleForms платформасы арқылы кері байланыс алынды.