2021 жылдың 25 ақпан күні аудандық білім бөлімінің жоспарына сәйкес №99 орта мектебінде бейінді оқыту жөніндегі орынбасары Кеңескүл Құдайбергенованың ұйымдастыруымен «жаңа бағыттағы сабақ құндылықтары» тақырыбында қашықтықтан ZOOM платформасы арқылы ауданның химия және биология пәнінің мұғалімдерінің қатысуымен онлайн семинар өтті.

Мақсаты: Білім мазмұнының жаңаруымен қатар, оқытудың әдіс-тәсілдері мен әртүрлі құралдарын қолданудың тиімділігін арттыру. Кәсіби білім, білік, дағдыны дамыту, педагогтің жалпы мәдени дамуын, оның тұлғалық көзқарасын және кәсіби маңызды сапаларын жетілдіру.

№99 орта мектебінің директорының міндетін атқарушы М.Сүгірбаева семинардың ашылу кезеңінде мақсаты мен бағдарламаларын таныстырып өтті. Бағдарлама бойынша «Азот. №11 зертханалық тәжірибе. Азот молекуласының моделі» понарамалық сабақ, «Биология пәнін оқытудағы қолданылатын түрлі әдіс-тәсілдер» шеберлік сынып, «Оқушылардың дарындылығын дамытуда ғылыми-жоба жұмысының рөлі» баяндама жұмыстары көрсетілді. «Жаңа бағыттағы сабақ құндылықтары» тақырыбында семинарға қатысушы аудан мұғалімдеріне тренинг жүргізілді. Семинар барысында пән мұғалімдері өзара тәжірибелерімен бөлісіп, пікір алмасты.