Тиімді басшының басқару стилі арқылы мектепті дамыту заман талабы
Еліміздегі ұлттық бiлiм беру жүйесiн модернизациялау жағдайында шетелдiк озық тәжiрибелердi пайдалану мүмкiндiктерiн бағалау, ұлттық дәстүр мен ерекшелiктердi ескеру, бiлiм мазмұнын жаңарту, бiлiм беру жүйесiн басқару мен ұйымдастырудың тиiмдiлiгiн арттырудың жаңа жолдарын iздестiру секiлдi өзектi жайттар ерекше маңызға ие болып отыр. Осы тұрғыда білім беру ұйымдарының жекелей стратегиялық жоспары – мектептің «болашақ бейнесі» және оған қол жеткізу жолдарын болжайды. Жоспарлауда оқу үшін туындайтын кедергілер мен қажетті ресурстарды анықтап, тәжірибелерді енгізу жолдарын үйренеді; жаңа дағдыларды ықпалдастыру мен өзгерістерді бағалау негізінде тәжірибені жетілдіреді; Стратегиялық жоспарлауды жүзеге асыра отырып, мектеп мәдениетінің қалыптасатыра алатындарына қол жеткізеді. Осы орайда, ағымдағы жылдың
9 ақпанында Қармақшы ауданы бойынша білім бөлімінің ұйымдастыруымен аудандағы жалпы орта білім беретін 30 мектеп басшыларының қатысуымен мектепер бойынша стратегиялық даму жоспарлары талқыланды.
Сондай-ақ, білім бөлімінің басшысы Г.Абдазиева білім беру ұйымдарындағы жұмыс барысындағы жоспарлау кезеңінде қандай критерилерге мән берілуі қажеттігі, индикатор көрсеткіштері мен SWOT-талдаулар, қойылған мақсатқа жетудегі талаптардың орындалуы жөнінде кеңестер берді.
