Облыстық семинар: «Халықаралық зерттеулер: Ізденіс. Тәжірибе. Нәтиже»

qarmaqshy-tany.kz Қармақшы ауданы бойынша білім бөліміне қарасты Е.Көшербаев атындағы №279 мектеп-лицейінің базасында Қызылорда облыстық оқу орталығының (әдістемелік кабинет) ұйымдастыруымен «Халықаралық зерттеулер: Ізденіс. Тәжірибе. Нәтиже» тақырыбындағы облыстық семинар жұмысы болып өтті.

Семинар жұмысына облыстық оқу орталығының жалпы орта білім беру бөлімінің меңгерушісі Смағұлова Гүлшат Амантайқызы, Қармақшы ауданы бойынша білім бөлімінің әдіскері Әбенова Тәжігүл Жақсылыққызы және облыс педагогтары қатысты.

МЖМБС-ның талаптарына сәйкес білім алушылардың білім сапасын бағалау; халықаралық зерттеуге дайындық жұмыстарын ұйымдастырудың мазмұнын жетілдіру, зерттеу тапсырмаларын орындаудың тиімді жолдарын анықтау мақсатында өткізілген семинар жұмысында сыныптан тыс жұмыстар, казино-сабақ, интеграцияланған сабақ, визуалды саяхат сабақ, дуэт сабақ, математикалық турнир, дебат, ата-аналармен тренинг, жоба-зерттеу, коучинг жұмыстары өте жоғары деңгейде ұйымдастырылып, семинарға қатысушылар тарапынан оң бағасы беріліп, өзара тәжірибе алмасу болды.

Облыстық оқу орталығының жалпы орта білім беру бөлімінің меңгерушісі Смағұлова Гүлшат Амантайқызы 2022 жылдың қараша, желтоқсан айларында білім беру ұйымдарында өткізілген PISA халықаралық зерттеуінің ерекшеліктеріне тоқталып, таныстырылым жасады. Семинар соңы кері байланысқа ұласып, өз тәжірибелерімен бөлісіп, жұмыс көрсеткен әріптестерге сертификаттар табысталды.