ҚҰРМЕТ КӨРСЕТТІ

Жуырда аудандық Көшеней Рүстембеков атындағы жыраулар үйінде 1978 жылдан бері ауданда қаржы саласының дамуына, туған елінің өсіп-өркендеуіне сүбелі үлесін қосып, ел құрметіне бөленген атпал азамат, Қармақшы ауданы бойынша кірістер басқармасының бас маманы Айтбай Нақшораұлы Бұғыбаевты  63 жасқа толуына орай құрметті зейнеткерлік демалысқа шығарып салу салтанаты өтті.
Салтанатты шараны Қармақшы ауданы бойынша кірістер басқармасының басшысы Қалдыбек Сұлейменов ашып, мерейгердің өнегелі өмір жолына тоқталды. Сонымен бірге, ҚР Қаржы министрлігінің  Мемлекеттік кірістер комитетінің құрмет гарматасын, «Нұр Отан» партиясы аудандық филиалының және ұжымдастары атынан құттықтауын тапсырды.
Сөз кезегінде Қызылорда облысы бойынша тексеру комиссиясының мүшесі Талғат Ильясов пен  туысқаны Ажар Бұғыбаева құттықтау сөз сөйлеп, жылы лебіздерін білдірді.
Шара соңы аудан көркөмөнерпаздарының концерттік бағдарламасына ұласты.