qarmaqshy-tany.kz Білім бөлімінің басшысы Г.Абдазиева білім бөліміне қарасты Төретам, Ақай елді мектептерінде орналасқан №269,279 білім ордаларында болып, мектеп ұжым мүшелерінің қатысуымен алқалы жиын өткізді.

Жиын барысында мектептер бойынша 2023-2024 оқу жылының 10 айлық көрсеткіші мен оқыту процесі мен тәрбие беру бағытындағы атқарылған жұмыстар және алдағы перспективалық жұмыс жоспарлары барысы тыңдалды.

Сондай- ақ бас ұстаз мектеп ұжымындағы моральдық-психологиялық ахуал барысымен танысып, өзара ашық түрде пікір алмасты.

Сонымен қатар білім мен тәрбие үрдісінде бірқатар жетістікке жеткен оқытушылар қауымына өзіндік алғысын жеткізе отырып, мектеп әкімшілігіне тиісті тапсырмалар жүктеп, білім сапасын арттыруда атқарылар жұмыстар барысы нәтижелі әрі жүйелі болуы керектігін ескертті.

Жиын соңында Гүлзира Мажитқызы биылғы мектеп бітірушілердің күзгі демалыс кезіндегі ҰБТ-ге дайындық барысын бақылап, бітірушілерге алдағы сын сағаттарда сүрінбеулеріне сәттілік тіледі.