Қармақшы ауданының бас ұстазы биылғы жылдың алғашқы сабағын өткізді
qarmaqshy-tany.kz Білім күні қарсаңында ауданның бас ұстазы Гүлзира Мажитқызы кент орталығында орналасқан №250 мектеп-лицейінің 8 сынып оқушыларымен «Мектебім-мейірім мекені» тақырыбында алғашқы сынып тәрбие сағатын өткізді.
Өмірдегі бар шынайылығымен оқушылар қауымын қуанта білген білім бөлімі басшысы өнегеге толы өмірлік мәнісі бар тақырып аясында ашық түрде пікір алмасып, оқушылар жүрегіне жол таба білді. Сондай-ақ, адам бойындағы мейірімділік ата-ана мен мектеп берер тәрбиенің маңыздылығында екенін түсіндіріп, алып жатқан білім арманға апарар жол екендігін айтты.
Сонымен қатар тағлымға толы тәрбие сағаты барысы түрлі әдіс-тәсілдер арқылы бала бойындағы тұнып жатқан түрлі қасиеттердің ашылу барысына бағытталды. Бас ұстазбен өткізген тәрбие сағатынан алған әсерлерін ақтарыла айтқан оқушылар өз алғыстарын білдіріп, алдағы уақытта да ашық, жарқын жүздесу жиіленсе екен деген өз ұсыныстарын жеткізді.
