«Қазақстан-мейірімділік мекені» республикалық балалар бастамасының өңірлік іс шарасына сәйкес аудандық білім бөлімі жұмыс жасауда. №272 мектепте "Қазақстан-мейірімділік мекені" тақырыбында тәрбие сағаттары өткізілді. Тәрбие жұмысы барысында өзіндік адамгершілік құндылықтарын оқушы бойына дарыта отырып, оның жүрек түкпіріндегі рухани қазынасын жарыққа шығару, әрбір баланы жеке тұлға ретінде жетілдіру үшін оның бойындағы бар құндылықтарды дамыту мақсатында жұмыстар жүргізілді. «Қазақстан-мейірімділік мекені»-деген сөз мағынасын оқушылар өз ойларымен аша білді. Қазақстанымыздың болашақта да мейірімділік мекенде болуы балалар өздерінің қолдарында, яғни еліміздің болашағы өз қолдарында екенін түсіне білді.

Қазақтың жақсы қасиеттерінің асылы – жомарттық, кең пейілділік. Ол адамға қызмет қылып, жақсылық жасауға пейілді жанға тән сипат. Жомарт болу - өзіңде барды зәру адаммен шын жүректен бөлісу. Наурыз айында 5-6 сыныптар аралығында «Жүрегім толы мейірім!» атты жәрмеңке ұйымдастырылды. «Жүрегім толы мейірім» атты ұйымдастырылған қайырымдылық жәрмеңкесінен түскен қаражатқа мектебіміздегі әлеуметтік жағынан қорғалмаған және күнкөрісі төмен отбасыларынан шыққан оқушыларға материалдық көмек көрсетілді. Игі істер жалғасын таппақ.