"Қазақстан -мейірімділік мекені" атты республикалық балалар бастамасының өңірлік іс шарасына сәйкес Қармақшы аудандық білім бөлімі жұмыс жасауда. №85 орта мектепте ақпан айында 9 «Б» сынып оқушылары кішкентай балаларды қолдау, баланың бойына рухани адамгершілік қасиеттерді ұялату, жақсы-жаманды ажырата білуге, өмірге деген көзқарасын жақсы жағынан дамуына ықпал ету, шыншылдық пен мейірімділікке тәрбиелеу мақсатында кенттегі «Ай-Диас» балабақшасына барып, балалардың балабақшадағы қызықты өмірін көріп, олармен бірге ойнап, көңілдерін көтерді, ойларын тыңдады. Балалар арасында өмірдің тәтті, қызықты, ғажайып екендігін ұғындыру, жаман әдеттерден өмірімізге қауіп төндіретіндігін көңіл аударту мақсатындағы шара жақсы ұйымдастырылды. Өздерінің бойындағы мейірімділік қасиеттерін көрсетіп, балаларға тамаша көңіл-күй сыйлады. Игі істер жалғасын таппақ.