«Қазақстан – мейірімділік мекені»
«Қазақстан – мейірімділік мекені» атты республикалық балалар бастамасының іс-шара жоспарына сәйкес Қармақшы аудандық білім бөлімінде жұмыстар ұйымдастырылуда. №109 орта мектебінде «Қазақстан – мейірімділік мекені» атты балалар бастамасы акциясы аясында іс-шара болып өтті. Мектеп тәлімгері М.Оспанованың ұйымдастыруымен мүмкіндігі шектеулі оқушылар: 1 сынып оқушысы Мұратбекқызы Фарида және 9 сынып оқушысы Айтуғанова Ақнұрға мектеп оқушылары өз қолдарымен жасаған бұйымдарын тарту етті. № 108 орта мектебінде «Қазақстан –мейірімділік мекені» атты сурет байқау өтті. Байқауға 1-4 сынып оқушылары қатысты. Байқау нәтижесі бойынша І орын – 1 «б» сынып оқушысы Б.Махадинов, ІІ орын – 1 «в» сынып оқушысы Э.Азимова, ІІІ орын – 4 «а» сынып оқушысы Е.Нұрханбекұлы, А.Жанпейісов атындағы №105 мектеп-лицейінде мектептегі үйден оқитын балаларға, мейірімділік шараларын ұйымдастырып,балаларға түрлі бағдарлама жүргізу,сыйлықтар тапсыру, уақытты бірге көңілді өткізу мақсатында «Балалар әлеміндегі игі істер» тақырыбында мейірімділік акциясы өтілді. Акция барысында мектебіміздің психологі А.Шайхиева мен тәлімгер А.Айтбаева 6«А» сынып жас ұландарымен бірге үйден оқытылатын оқушылар: 8 сынып Аширбеков Нұрасыл, 6 сынып Әділов Ералы, 3 сынып Күншығарова Ардақтың үйлеріне барып, психологиялық тренингтер ұйымдастырып, оқушылар өнерлерін көрсетіп, ән шырқап, ертегілер оқып, көңілін көтеріп қайтты. Игі жұмыстар жалғасын таппақ.
