Алғашқы қоңырау соғылды
qarmaqshy-tany.kz Бүгін №108 орта мектепте оқу жылы басталып, мектеп табалдырығын аттаған бүлдіршіндерге алғашқы қоңырау соғылды.
Салтанатты жиынға ауылдық округ әкімі Нурлыбек Сайымов, аудандық Қоғамдық Даму Бөлімі нің басшысы Ғ.Нысанбаев, шаруашылық басшылары, ардагер ұстаздар, ата-аналар және мектеп оқушылары қатысты.
Жиында ауылдық округ әкімі құттықтау сөз сөйлеп, білім саласында атқарылып жатқан жұмыстарға тоқталып, жаңадан мектеп табалдырығын аттаған жеткіншектерді алғашқы қадамымен құттықтап, ізгі тілегін жеткізді.
Биыл 40 оқушы мектеп табалдырығын аттады. Сондай ақ, республикалық "Мектепке жол" акциясы аясында әлеуметтік қолдауды қажет ететін 18 бала толықтай мектеп формасы және қажетті құралдарымен қамтамасыз етілді.
Мемлекет басшысының тапсырмасы бойынша әрбір оқушының терең білім алып қолайлы жағдай жасалу үшін «Жайлы мектеп» ұлттық жобасы қолға алынған болатын. Аталған жоба аясында алдағы жылы ауылымызда жаңа мектептің құрылысы басталып, 2025 жылы пайдалануға беріледі деп жоспарлануда. Аудан әкімнің тапсырмасына сәйкес салынатын білім ордасының жері белгіленіп, орны айқындалды.
