ІІІ Интернационалда алғашқы қоңырау соғылды

ІІІ Интернационал ауылдық округіндегі №108 орта мектепте алғашқы қоңырауы соғылды. Салтанатты шараға ауыл әкімі А.Омаров, Қармақшы аудандық дене шынықтыру және спорт бөлімінің басшысы Н.Мырзабаев, "Достық жер МК" ЖШС директоры М.Арифов, ардагер ұстаздар қатысып, білім ордасының алғашқы қарлығаштарына жаңа оқу жылында сәттілік тіледі.
Білім ордасында 2017-2018 оқу жылында 435 оқушы білім алса, биылғы жаңа оқу жылында 453 шәкірт ұстаздардан білім алмақшы.
Олардың қатарында мектеп табалдырығын енді аттаған 60 бүлдіршін болса, 20 түлек киелі қара шаңырақ - мектеппен қоштасып, үлкен өмірге қадам жасайды. Мектепалды даярлық тобына былтырғы оқу жылында 42 бүлдіршін қабылданса, биылғы оқу жылында 38 бүлдіршін қабылданды.
Білім ошағында 64 мұғалім бар. Оның ішінде 5-жоғары санатты, 16-бірінші санатты, 14-екінші санатты.