qarmaqshy-tany.kz Жосалы кенті орталығындағы А.Жанпейісов атындағы №105 мектеп-лицейінде 1 қыркүйек - Білім күніне арналған салтанатты жиын өтті.

Салтанатты іс-шараға Қармақшы ауданы әкімінің орынбасары Смағұлов Самат Қыдырбекұлы арнайы қатысты.

Жиын барысында аудан әкімінің орынбасары барлық ұстаздар қауымы мен оқушыларды, ата-аналарды және мектеп табалдырығын алғаш аттаған 1-сынып оқушыларын жаңа оқу жылының басталу салтанатымен құттықтап сәттілік тіледі. Мектеп табалдырығын тұңғыш аттаған жас бүлдіршіндер үшін ерекше күн болды.

Жас бүлдіршіндер салтанатты жиын барысында ән айтып, өлең шумақтарын тарту етті.

Салтанатты шара соңында мектептің үздік оқушылары және мектеп табалдырығын жаңа аттаған бүлдіршіндер алғашқы қоңырау соғып,«Мектебім-мейірім мекені» тақырыбындағы тәрбие сағатына жалғасты.