qarmaqshy-tany.kz Қармақшы ауданы әкімі Жандос Еркінбектің бастамасымен жасөспірімдер арасында топтық төбелестің, құқықбұзушылықтың, әлімжеттіктің, буллингтің алдын алу мақсатындағы аудан ардагерлері мен аудандық мәслихат депутаттарынан құралған арнайы топ жұмысы аудан орталығындағы №121 орта мектеп базасында жалғасын тапты. Жиын барысы оқушылардың әкелерімен мен және құқық органы қызметкерлерінің қатысуымен жүзеге асты.

Әдеттегідей жиында аудандық ардагерлер кеңесінің төрағасы А.Мереков, аудандық алқа билерінің жетекшісі Қ.Есдаулетов және мүшелері Д.Жалғасбаева,«Ұлт бірлігі» қоғамдық бірлестігінің жетекшісі, ардагерлер клубының мүшесі Ш.Құндақбаев, аудандық әйелдер кеңесінің төрайымы К.Раева, аудандық мәслихат депутаты С.Адильбеков, Қармақшы аудандық полиция бөлімінің орынбасары, полиция подполковнигі Қ.Ерманов, аудандық білім бөлімінің қызметкері А.Тоқшылықова болып, «Баланың бас ұстазы-ата-ана» тақырыбы аясында сөз қозғап, әкелердің бала тәрбиесіндегі алатын рөліне тоқталып, жастар арасында болып жатқан топтық төбелес пен құқықбұзушылықтың алдын-алуға бағытталған шараларға тоқталды.

Келелі жиынға арнайы келген қонақтар мектеп асхана жұмысымен танысып, оң бағаларын берді. Сөз соңында мектеп әкелері ойларымен бөлісіп,ұсыныстарын жеткізді.