Жергілікті өлкетанушылармен кездесу өтті

qarmaqshy-tany.kz 2023 жылдың 13 наурызында Қармақшы аудандық тарихи-өлкетану музейі қызметкерлерінің ұйымдастыруымен жергілікті өлкетанушылармен кездесу өтті. Кездесуге Қызылорда облыстық тарихи-өлкетану музейінің ғылыми хатшысы Асхат Сайлау, облыстық музейдің ғылыми қор сақтаушысы Ляззат Жалғасбайқызы, Қармақшы ауданының Құрметті азаматы, жергілікті өлкетанушы Шегебай Құндақбаев, ардагер ұстаз Уақытбек Сұңғатов, шежіреші Әбдікәрім Құдабаев қатысты. Кездесу барысында Қармақшы өңірінің тарихына байланысты өзекті мәселелер қозғалды. Сонымен бірге алдағы уақытта Қармақшы Қарақұмының қойнауын зерттеу мақсатында жүзеге асырылатын музейлік экспедициясының жұмыстары жоспарланып талқыланды.