"Үздік ғылыми қызметкер - 2021" байқауы өткізілді

Қазақстан Республикасы Тәуелсіздігінің 30 жылдық мерейтойына орай Қызылорда облыстық тарихи-өлкетану музейінің ұйымдастыруымен облыс музейлері арасында "Үздік ғылыми қызметкер - 2021" байқауы өткізілді. Байқауға Қызылорда қаласынан және 7 ауданнан 11 ғылыми қызметкер қатысты. Байқау ережесіне сәйкес қатысушылар өз қызметтері аясында біліктіліктерін көрсетіп, жалпы музей қызметі жайлы кеңінен ашып көрсете білді.

Байқаудың қорытындысы бойынша әділқазылар алқасының шешімімен Қармақшы аудандық тарихи-өлкетану музейі филиалының ғылымы қызметкері Бақтыбаев Әзірбек Ілиясбекұлы "Өз ісінің шебері" номинациясымен үздіктер қатарынан көрініп, қаржылай сыйлық және де Қызылорда облыстық тарихи-өлкетану музейінің директоры Сапар Алиасқарұлының "Алғыс хатымен" марапатталды.