Билер кеңесінің төрағасы кездесу өткізді

qarmaqshy-tany.kz Қызылорда облысының Билер кеңесінің төрағасы Зейнолла Нұрсейтов арнайы іс-сапармен Қармақшы ауданының әкімдігінде татуластыру рәсімдерін қолдану мәселелерін талқылау бойынша кездесу өткізді.

Іс-шараға облыстық Билер кеңесінің төрағасы З.Нұрсейтов, аудандық Билер кеңесінің төрағасы  Қ.Есдаулетов, аудандық ішкі істер органының ардагерлер кеңесінің төрағасы Е.Назарқұлов, аудан әкімінің  орынбасары Ж.Ерқосаев, аудандық сотының төрағасы Қ.Мыханов, кент және ауылдық округ әкімдері қатысты.

Кездесу барысында облыстық билер кеңесінің төрағасы З.Нұрсейтов, өз кезегінде Билерге дауларды бейбіт жолмен реттеу, қоғамдағы жанжал деңгейін төмендету жөніндегі маңызды міндет жүктеліп отырғанын айтып, Билер кеңесінің негізгі міндеттері мен мақсаттарына ерекше тоқталып өтті. Сөз соңында халық арасында тәрбиелік және алдын алу жұмыстарына аса мән беру керек екенін атап өтті.

Қайнар: Қармақшы аудандық сотының баспасөз қызметі