Ауған асуында от кешкендер

qarmaqshy-tany.kz Жосалы кенті орталығындағы "Жастар" саябағында Кеңес әскерлерінің Ауғанстан жерінен шығарылғанына 34 жыл толуына орай тағылымды іс-шара өткізілді.

Ең алдымен Ауған соғысындағы ерлікке тағзым ретінде орнатылған ескерткішке гүл шоқтары қойылды, қайтыс болған батырлардың рухына құран бағышталды.

Аудан әкімінің орынбасары Ж. Ерқосаев ауған соғысында азаматтық борыштарын адал атқарып, ерліктің үлгісін көрсеткен жауынгерлердің ерен ерлігіне тоқталып, бүгінде ауданымыздың дамуына өз үлестерін қосып жүрген ауған соғысы ардагерлеріне алғысын білдірді.

Іс—шараға діни экстремизмге қарсы іс—қимыл жөніндегі облыстық ақпараттық—түсіндіру тобының мүшелері — аудандық қоғамдық кеңес төрағасы Ә. Құлдүйсенов, аудандық қорғаныс істері жөніндегі бөлім бастығының міндетін атқарушы

А.Балманов, аудандық қоғамдық даму бөлімінің басшысы Ғ.Нысанбаев, қоғамдық даму бөлімінің бас маманы Н.Наурызбаевалар қатысты.