Биыл Кеңес әскерлерінің Ауғанстан жерінен шығарылғанына 33 жыл толып отыр. Сынаптай сырғып уақыт өтсе де, ерлік ескірмейді. Оларға тағзым етіп, еске алу болашақ ұрпақтың еншісіндегі игілікті іс.

Осы мақсатта бүгін аудан орталығындағы «Жастар саябағында» Ауғанстан жерінде ерлікпен қаза тапқан жерлестерімізге арналған ескерткішке гүл шоғын қойып, тағзым етіп, олардың рухтарына құран бағышталды.

Әрі қарай айтулы іс-шара аудан әкімдігінің мәжіліс залында жалғасын тапты. Жиында аудан әкімінің орынбасары Жұлдызхан Байназарұлы сөз сөйлеп, ауған соғысы ардагерлерінің азаматтық ерліктеріне ризашылығын білдіріп, аудан әкімінің алғыс хаттарын тапсырды.

Жиын соңында Ауған соғысының ардагерлері атынан сөз алған Асқар Ерманов көрсетілген құрметке алғысын білдірді.