Жастар ауған соғысы ардагерлерімен кездесті
Аудандық жастар ресурстық орталығының ұйымдастыруымен Ауған соғысы ардагерлерімен кездесу өтті. Кездесуге Ауған соғысының ардагерлері мен "Ауғанстан және аймақтық соғыс ардагерлері кеңесі" қоғамдық бірлестігінің төрағасы Асқар Ерманов қатысты. Басқосу барысында жастарымыз ардагер ағаларымызға толғандырып жүрген сұрақтарын қойып, қажетті жауаптарын ала білді. Біз ағаларымыздың Отан үшін жасаған ерліктерін ешқашан ұмытпаймыз.
Биыл, Кеңес әскерлерінің Ауғанстан жерінен шығарылғанына 32 жыл. 1979 жылдың 25 желтоқсанында КСРО Қорғаныс министрінің берген бұйрығымен Ауғанстанға кеңес әскерлерін кіргізуге шешім шығарылды. Осы ойранды он жыл бойына Кеңес Одағынан Ауған соғысына 500 мыңнан астам азамат қатысып, оның 15 мыңы опат болды.
