Ауған соғысының ардагерімен кездесті
ЖОСАЛЫ, 14 ақпан – qarmaqshy-tany.kz «Қызылорда облысының мемлекеттік архиві» коммуналдық мемлекеттік мекемесінің Қармақшы аудандық филиалында Ауғанстан Демократиялық Республикасынан Кеңес әскерлерінің шектеулі контингентінің шығарылғанына 31 жыл толуына орай кездесу ұйымдастырылды.
Кездесуге «Ауғанстан және аймақтық соғыс ардагері кеңесі» қоғамдық бірлестігінің төрағасы Ерманов Асқар Байдуллаұлы қатысып, тақырып аясында Қармақшы ауданынан Ауғанстан жеріндегі соғысқа 87 азамат аттанған болса, үшеуі майдан даласында қаза тапқандығы жайлы, әскери патриоттық, туған жерге деген сүйіспеншілік, ерлік туралы әңгімелер қозғаса, филиал басшысы Издибаева Гулжамал Ерахметқызы шара барысын қорытындылап, ардагер ағаға алғысын білдірді.
Шараның мақсаты: Өскелең ұрпаққа ауған соғысы жайлы толық мәлімет беру, ардагер ағамен ашық әңгімелесу, сұхбаттасу. Қызметкерлерге отанды қорғау жауапкершілігінің қаншалықты маңыздылығын жете түсіндіріп, туған жерге деген сүйіспеншіліктерін арттыру.
