Жастар форумы: мақсаттары бір арнаға тоғысқан білім жастары
qarmaqshy-tany.kz Кеше Қармақшы ауданы бойынша білім бөлімі мен кәсіподақ комитетінің ұйымдастыруы барысында жас ұстаздар арасында «Мақсаттары бір арнаға тоғысқан білім жастары» атты жас педагогтер форумы өткізілді.
Аталмыш шара негізі көшбасшылық қасиеттері бар, бастамашыл креативті жас педагогтердің ой-пікір алмасу алаңын құру, белсенді кеңес мүшелерін ынталандыру, жас мамандарды кәсіподақ қозғалысына жұмылдыру бағытындағы басқосу болатын.
Шараға Қармақшы ауданының түкпір-түкпірінен жиналған жас мамандар қатысып, тәжірибелерімен бөлісті. Форумның ашылу салтанатында білім бөлімінің басшысы Абдазиева Гүлзира Мажитқызы арнайы қатысып, алғы сөз айтса, облыстық кәсіподақ комитетінің маманы, жастар жанашыры Сағындықова Жанар Берікболқызы кәсіподақ жұмысына шолу жасап, жастарға сәттілік тіледі.
Жас мамандар 5 топқа бөлініп жұмыс жасай отырып, өз білімдері мен өнерін ортаға салды.
