Аудан әкімі аудандық дербес бөлімдердің жұмысымен танысты

qarmaqshy-tany.kz Аудан әкімі Жандос Еркінбек аудан әкімдігіне қарасты бірқатар бөлімдерді аралап, жұмыстарымен танысты.

Алдымен, аудандық жұмыспен қамту, әлеуметтік бағдарламалар және азаматтық хал актілерін тіркеу бөліміне барып, әлеуметік сала қызметкерлерімен кездесті.

Одан соң, Жосалы кенті әкімі аппаратының және аудандық экономика және қаржы бөлімінің жұмыстарын бақылады.

Сондай-ақ, Ораз ахун №44 мекен-жайында орналасқан аудандық қоғамдық даму, аудандық құрылыс, сәулет және қала құрылысы, аудандық ауыл шаруашылығы және жер қатынастары бөлімдерінің және аудандық сайлау комиссиясының жұмыстарын көрді.

Аудан басшысы бөлімдерді аралау барысында қызметкерлермен ашық пікірлесіп, өздеріне жүктелген міндеттерді адал атқаруды, бірінші кезекте халықтың жағдайын қамтамасыз ете отырып, олардың талап-тілектерін орындауға жұмыс жасау және жан-жағын таза ұстау жөнінде ұсыныстарын айтты.

Сонымен қатар, аудандық жұмыспен қамту орталығының ғимаратына барып, сала қызметкерлерінің ұсыныс-пікірлерін тыңдады.