Мемлекеттік көрсетілетін қызметтерді халыққа онай әрі жылдам көрсету мақсатында аудан әкімдігіне қарасты аудандық құрылыс, сәулет және қала құрылысы бөлімінде орналасқан «Сервистік әкімдікте», аудандық спорт және дене шынықтыру бөлімінде, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінде, аудандық тұрғын үй – коммуналдық шаруашылық, жолаушылар көлігі және автомобиль жолдары бөлімінде, аудандық халықты жұмыспен қамту орталығында, Байқоңыр қалалық халықты жұмыспен қамту орталығында және барлық кент, ауылдық округ әкімі аппараттары кеңселерінде «Өзіне-өзі қызмет көрсету» бұрыштары ашылып жұмыс жасауда.

Аталған бұрыштар қызметтерді алуға қажетті барлық құрылғылармен жабдықталған.

«Өзіне өзі қызмет көрсету бұрыштарынан» сапалы және жылдам қызмет алуыңызға аталған мемлекеттік мекемелердегі мамандар қол ұшын беруге әзір.

Уақытыңызды үнемдеуге және құжаттар топтамасын жинауға қолайлы жағдай жасалған «Өзіне өзі қызмет көрсету бұрыштарының» қызметін пайдалануға шақырамыз.