Жуырда аудандық халықты жұмыспен қамту орталығында "Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған бағдарламасын" жүзеге асыру бойынша азаматтарды «Бірыңғай қабылдау күні» республикалық акциясы өтті.

Акцияға «Nur Otan» партиясы аудан­дық филиа­лының сарапшысы Динара Бахыт­бекқызы, аудандық жұмыспен қамту, әлеумет­тік бағдар­ламалар және азаматтық хал ак­тілерін тіркеу бөлімі басшысының міндетін уақытша атқарушы Жанар Ниматулла, аудандық халықты жұмыспен қамту орталығының директоры Орынбек Мұнарбаев және оның орынбасары Бақытбек Жа­наев, аудандық кәсіпкерлер палатасының кәсіпкерлерге қыз­мет көрсету бойынша менеджер-кеңесшісі Мұрат Қанатов, «Азаматтарға арналған үкімет» мемлекеттік корпорациясы коммерциялық емес АҚ аудан бойынша бөлім басшысы Әмір Сағатовтар қатысты. Акция барысында бағдарламаның негізгі бағыттары түсіндірілді. Тұрғындар арасында кең көлемде құқықтық көмек көрсету және тиісті кеңес беру жұмысы жүргізіліп, бағдарлама жайында кеңінен ақпараттандырылды.