Аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінде «Кедергісіз келешек» партиялық жобасы аясында мүмкіндігі шектеулі азаматтарды бірыңғай тақырыптық қабылдауы болып өтті.

Қабылдауға «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Ақжігітов Ғалымжан Амангелдіұлы, аталған бөлімнің статистик маманы Айбергенов Алдаберген Нұрмаханұлы және аудан тұрғындары қатысты.

Қабылдауға келген тұрғындар тарапынан жеке оңалту бағдарламасы аясында санаторий-курорттық емделуге бару, жеке көмекшілерге төленетін еңбекақы жүйесі жөнінде және т.б. мәселелер көтерілді.

Қабылдау барысында тиісті сала басшылары ҚР Заңы аясында түсіндірме жұмыстарын жүргізіп, тиісті кеңестер берілді.