Құрметті аудан тұрғындары! Спорт сүйер қауым!

qarmaqshy-tany.kz Желтоқсанның екпінімен келген Тәуелсіздіктің біз үшін орны қашан да бөлек. Бұл – халқымыздың ғасырлар бойы үкілі үміті үстем болып, еліміздің еркін дамуына айқара жол ашылған қастерлі мереке. Болашақта алар асуы мен шығар шыңы одан да биік боларына үмітіміз зор, сеніміміз кәміл.

Ұлттық қасиетіміз бен құндылықтарымызды ұлықтап, намысымызды оятқан, барша әлемге қазақты азаттық сүйгіш, рухы биік, намысты халық ретінде жариялаған Тәуелсіздік тұғырлы болғай. Әнұранын шалқытып, көк туын желбіреткен еліміздің барша азаматтарына береке, бірлік, жасампаз еңбек, толағай табыс тілейміз! Еліміздің мәртебесі биіктеп, әлемге шарықтай берсін. Барша қазақстандықтарға аспандарыңыз ашық, көңілдеріңіз шат, еңбектеріңіз жемісті болуын тілейміз. Еліміздің көк байрағы бейбіт аспан астында желбіреп, бүкіл әлемге таныла берсін. Бірлігіміз бекем болғай. Тәуелсіздіктің тал бесігінде тербеліп, қыран құсы қалықтаған көк аспанымыздың астында баянды да бақытты ғұмыр кешулеріңізге тілектеспін. Сіздерге мықты денсаулық, отбасыларыңызға бақыт, сәтті күндер, зор жетістіктер тілеймін.