ҚҰРМЕТТІ ОТАН ҚОРҒАУШЫЛАР!

Бүгінгі 7-мамыр Отан қорғаушылар күні мерекелеріңізбен баршаңызды зор ілтипатпен құттықтаймын!
Бұл күні - Ұлы Отан соғысы ардагерлерінің, Ауғанстанның отты жолдарымен өткен ержүрек жауынгерлердің алдында тағзым етеміз. Қарулы күштер қатарында қызмет еткендер мен оның сапында жүргендерге құрмет көрсетеміз.
Отанымыздың тыныштығын қорғап жүрген ерлерімізді ұлықтайтын күн.
Тәуелсіздіктің алғашқы жылдарынан бастап ел қауіпсіздігін сақтауға баса назар аударылды. Еліміздің шекарасы белгіленіп, қарулы күштеріміз құрылды.
Ержүрек ерлеріміздің бұл мерекесі елімізге әрдайым қуаныш пен бейбіт күн әкелсін.
Бейбітшілікті сүйген тәуелсіз еліміздің айбынын асқақтатып, абыройын арттыра түсетін қанатын кеңге жайған қуанышты күндер көп болсын!
Баршаңызды атаулы мерекемен құттықтай отырып, отбасыларыңызға бақ-береке, зор денсаулық, еліміздің дамуы жолындағы еңбектеріңізге табыстар тілеймін.
Туған жеріміздің іргесі бүтін, тәуелсіздіктің көк байрағы биік, бірлігіміз бекем болсын!
Аспанымыз ашық, бейбіт өміріміз баянды болғай!