7 мамыр – Отан қорғаушы күні
Тура 27 жыл бұрын Қазақстан Республикасының Қарулы күштері құрылды.Осы уақыт ішінде еліміздің қорғаныс саласы нығайып, айбынымыз күшейді. Бүгінде құрлық әскерлері, әуе-қорғаныс күштері мен әскери-теңіз күштері Қазақстанның тыныштығын күзетуде. Аэроұтқыр әскерлері де тұтқиылдан тап берер жауға төтеп бере алатынын талай әскери оқу-жаттығуда дәлелдеген. Айтпақшы, Қарулы күштеріміз биыл «Рухани жаңғыру – жауынгерлік рух тірегі» ұранын ту етеді. Осы орайда қызметкерлерге «Әскери баспана» бағдарламасы бойынша тұрғын үй табысталмақ.
