Бүгін елімізде 7-мамыр – Отан қорғаушы күні. 1991 жылы 25 қазанда Елбасы Н.Назарбаевтың Жарлығымен Қазақ КСР-нің Мемлекеттік қорғаныс комитеті құрылды. Кейін республиканың қорғаныс мәселелерін толығымен жеке шешуге көшуіне байланысты Қорғаныс комитеті Қазақстан Республикасының Қорғаныс министрлігі болып қайта құрылды. Жоғарғы Бас Қолбасшы ретінде Қарулы күштерді басқаруды Президент өз мойнына алды. Елбасынан басқа қорғаныс ісімен тікелей шұғылданатын алғашқы Қорғаныс министрі болып, генерал-полковник Сағадат Нұрмағамбетов тағайындалды. Бұл күн Қазақстан Республикасының Қарулы күштерінің құрылған күні болғандықтан "7-мамыр – Отан қорғаушы күні" деп жарияланды.