Еламан ЕРҒАЛИЕВ: "Ел еңсесі биіктей берсін"

Ұлттық құндылығымызды ұлықтап, намысымызды оятқан, әлемге қазақты танытқан айтулы мереке Тәуелсіздік күнімен барша Қармақшы халқын құттықтаймын! Ынтымақты ұран, татулықты ту еткен бейбіт халқымыз осы уақыт аралығында толағай табыстарға жетті. Мемлекетіміздің қарқынды дамуы тұрақты саясат пен ішкі бірліктің арқасы. Рухы биік, намысы берік бабаларымыздың асыл мұраты – халқымыздың татулығын сақтау біздің басты мұратымыз. Бірлігіміз бекем, тірлігіміз тиянақты болсын! Тәуелсіздігіміздің тұғыры биік болғай.

Ұрпақтарының ырысы ортаймасын, намысы тапталмасын деп көксеген ата-бабамыздың арманы орындалған осы шақта баршаңызға бақыт, байлық, береке тілеймін. Қазақстан гүлденіп, көркейе берсін. Әр отбасына татулық пен ырыс-береке, Отанымыздың игілігі мен жарқын болашағы жолында жаңа табыстар тілеймін. Еліміздің ертеңі жолындағы еңбегіміз жана берсін!