Жаңа тарихымыздағы ерекше маңызды оқиғалардың бірі – Қазақстан Республикасының Мемлекеттік рәміздер күнінің белгіленуі. Осы ретте, Байқоңырлық тұрғындар Тәуелсіздігімізді айқындайтын мемлекеттік рәміздерге құрмет көрсетті. Атаулы мерекеге орай Гимін шырқатылып, салтанатты жиын өтті.

Еліміздің көк байрағы бейбіт аспан астында желбіреп, халқымыздың рухы, болашаққа деген арманы асқақтап, әлемге таныла берсін!

Биыл сол Қазақстан Республикасының мемлекеттік рәміздеріне 30 жыл толып отыр. Бүгінде өткенге салауат, келешекке аманат етер Гимніміз, халқымыздың тарихи жолын, туған еліміздің тұрмыс-тіршілігін, ұлтымыздың салт-дәстүрін паш етер Елтаңбамыз, қолымызда желбіреген Көк байрағымыз бар.

Патриоттық сезімді нығайту мақсатында ұйымдастырылған жиынға 200-ге жуық адам қамтылды. Олардың қатарында ардагерлер, мемлекеттік қызметкерлер, қоғамдық келісім орталығы, қалалық аналар кеңесі, байқоңыр қалалық көпбейінді аурухана қызметкерлері, білім мекемелері, халық банкі қызметкерлері, прокуратура, соттар, құқық қорғау органдарының қызметкерлері, шекарашылар, жұмыспен қамту орталығы, ішкі істер министрлігінің өкілдері, аманат партиясының өкілдері, жастар болды.

Қатысушылар Байқоңыр қаласының қақ ортасындағы көшерлермен екі шақырым жолмен жүріп өтіп, жастар «Көк тудың желбірегені» әнін хормен орындады.

Бұдан бөлек, мемлекеттік рәміздердің 30 жылдығы бейнеленген сандық көрініспен қорытындылады.