Сайыспен басталған сенбі

qarmaqshy-tany.kz Бүгін ерекше балалардың сайысына куә болдым. "Дәметкен ана" оңалту орталығының ұйымдастыруымен өткен сайыс жоғары дәрежеде өтті. Азиза апамыз бастаған ұжымға шын көңілден алғыс білдіремін.
Спорттық сайыста балалардың қуанған жүзін көріп шаттанбау мүмкін емес. Аудандағы еріктілер тобының көшбасшысы Әсем Мерекова сіңілімнің іс-шараны жүргізгені - сайысты қызықты ете түсті. Ата-ананың да көңіл күйі көтеріңкі. Жарыс соңында балалардың барлығы орталық пен еріктілердің сый-сияпатына ие болды.
Талай баланың маңдайынан сипап, құшағына қысқан орталықтың ұйымшыл ұжымына ауызбірлік, бүлдіршіндеріне зор денсаулық, ата-аналарға отбасы бақытын тілеймін! Мерекелеріңізбен, аяулы жандар!