Отбасылық сайыс өтті

Өткен сенбіде "Дәметкен Ана" балаларды оңалту орталығының ұйымдастыруымен "Көңілді старт" отбасылық эстафетасы өтті. Мұнда балалар ата-аналарымен "Кім шапшаң?", "Кенгуру", "Тез қимылда", "Жүйрік паровоз", "Арқан тарту" секілді сайыстардан өзара бақ сынасты.

Иә, ерекше балалар қоғамда өздерін еркін сезіну керек. Осы секілді сайыстар көпшілік ортада қалыптасқан теріс стреотиптерді жоюға көмектеседі. Іс-шарада қайырымды жандар да қалыс қалған жоқ. "Демеу" еріктілер тобы өз үлестерін қосып бірге атсалысты.

Сайыс нәтижесі бойынша І орынды – Айтовтар отбасы қанжығасына байласа, ІІ орынды Бақтыбаевтар отбасы иеленді. Ал ІІІ орынды –Құсайыновтар отбасы, IV орынды – Жанқұловтар отбасы еншіледі.

Жиын соңында Қармақшы ауданының құрметті азаматы, білікті дәрігер Владимир Шерғазин балаларға сыйлық тарту етті.