Мақсат –  оқушылар арасында бұқаралық құтқарушылар жұмысын жандандыру, өскелең ұрпақты отансүйгіштікке тәрбиелеу, құтқарушы тәсілі арқылы саламатты өмір салтының дағдыларын қалыптастыру.  Сайыс аудан мектептерінің қатысуымен өтті. Оларға аудандық төтенше жағдай бөлімінің инженері, азаматтық қорғау капитаны С.Абжаева, №5 өрт сөндіру бөлімінің аға жүргізушісі Б.Жұмабаев, аға өрт сөндіруші Ғ.Жүнісов, аудандық оқушылар үйінің әдіскері А.Әбдіреевалар төрелік етті.

Жалпы сайыс таныстыру, сұрақ-жауап, жауынгерлік қанат жаю, өрт сөндіру калонкасын белгіленген нүктеде орнату, арқан байлау, алғашқы медициналық көмек көрсету секілді кезеңдерді қамтыды. Тартысты өткен байқау нәтижесінде оқ бойы оза шапқан №121 мектептің «Қыран» тобы І орынды иеленді. Ал №250 мектептің «Құтқарушылар» тобы ІІ орынды қанжығасына байласа, «Жас қыран» тобы ІІІ орынды місе тұтты. Сондай-ақ, №26 мектептің «Еңбек», №30 мектептің «Жас ұлан» тобы, №250 мектептің оқушысы А.Қыдырбай, №26 мектепің оқушысы С.Бекмырзақызы арнайы алғыс хатпен марапатталды.