"Жас құтқарушылар" сайысы

Аудандық білім бөлімі жəне Қармақшы ауданы Төтенше жағдайлар бөлімінің ұйымдастыруымен кент орталығындағы №121, 250, 26, 105, 30 орта мектептері арасында "Жас құтқарушы" сайысы болып өтті.

Сайыстың мақсаты, жас құтқарушылар арасында бұқаралық құтқарушылар жұмыстарын жандандыру, өскелең ұрпақты отансүйгіштікке тəрбиелеу, құтқарушы тəсілдері арқылы салауатты өмір салтының дағдыларын қалыптастыру, сондай-ақ балалар мен жастарды қолданбалы спорт түрімен шұғылдануға тарту, жасөспірімдерді əскери-патриоттық негізге тəрбиелеу. Қармақшы ауданы Төтенше жағдайлар бөлімінің инженері азаматтық қорғау капитаны С.Əбжаева, №5 өрт сөндіру бөлімінің аға жүргізушісі Б.Жұмабаев, аға өрт сөндіруші Ғ.Жүнісов жəне аудандық оқушылар үйінің əдіскері А.Əбдіреева төрелік етті.

Қазылар алқасы шешімімен І орынды №121 орта мектептің "Қыран" тобы, ІІ орынды №250 мектеп-лицейінің "Құтқарушылар" тобы, ІІІ орынды "Жас қыран" топтары иеленді. Сонымен қатар, №26 мектебінің "Еңбек" тобы жəне №30 орта мектептің "Жас ұлан" топтары алғыс хаттарымен марапатталды. Сондай-ақ №250 мектеп-лицейінің 8 сынып оқушысы Қоңырбай Арайлым мен №26 орта мектебінің 8 сынып оқушысы С.Бекмырзақызы арнайы <<Алғыс хатпен>> марапатталды.