Бүгін Қызылорда облысы қоғамдық денсаулық сақтау департаментінің қызметкерлері қаламыздың "Мерей" мөлтек ауданында "Жомарт" қоғамдық ұйымының бастамасымен ұйымдастырылған "Бөтен бала болмайды" тақырыбындағы спорттық сайысқа қатысып, жүлделі үшінші орынға ие болды. Аталмыш шараның мақсаты-көп балалы және әлеуметтік жағдайы төмен отбасылардың, мүгедек бала тәрбиелеп отырған отбасы бүлдіршіндеріне жексенбілік жайдарлы отбасылық мейрам сыйлау, балалардың дене белсенділігін арттыру, салауатты өмір салтын ұстануға шақыру. Қала тұрғындары, еріктілер, белсенді жастар қатысқан бұл іс-шарада түрлі эстафеталық жарыстар, түрлі спорттық ойындар ұйымдастырылды. Қайырымдылық шараның соңы "Палау party”, “ Бауырсақ party”-мен жалғасты.