Аудан әкімі "Дәметкен ана" орталығында болды
Қармақшы ауданының әкімі Ерсұлтанов Әділбек Бөрібайұлы «Дәметкен ана» мүмкіндігі шектеулі балаларды оңалту орталығында болып, атқарылып жатырған жұмыстармен танысты.
Сонымен қатар, ерекше балалардың еңбегімен жасалған қолөнер бұйымдарын тамашалап, орталықтағы әлеуметтік қызметкерлердің ұсыныс-пікірлерін тыңдады.
Сондай-ақ, аудан басшысы Қазақ көлік және коммуникациялар академиясының профессоры Зарқұм Сартайұлы мен ҚР «Алтын дәрігер» белгісінің иегері Дина Базаралықызына ауданда мүмкіндігі шектеулі балаларды оңалту бағытындағы атқарып жатқан игі жұмыстарына алғысын білдірді.
Қазіргі таңда «Дәметкен ана» мүмкіндігі шектеулі балаларды оңалту орталығынан 15 ерекше бала көмек алуда.
