Орталық жұмысымен танысты

АУДАН ӘКІМІ ҚАЙРАТ НҰРТАЙ ЖУЫРДА «ДӘМЕТКЕН АНА» БАЛАЛАР ОҢАЛТУ ОРТАЛЫҒЫНДА БОЛЫП, АТҚАРЫЛЫП ЖАТҚАН ЖҰМЫСТАРМЕН ТАНЫСТЫ.

Аудан әкімі мен оның орынбасары Жұлдызхан Ерқосаев, аудандық мәслихат хатшысы Әділ Қошалақов, ардагерлер кеңесінің төрағасы Қаршыға Есдәулетов, аудандық ішкі саясат бөлімінің басшысы Самат Смағұлов, аудандық жұмыспен қамту, әлеуметтік бағдарламалар бөлімінің басшысы Ғалымжан Ақжігітов бірге болды.

Жеке қайырымдылық қорының құрылтайшысы Зарқұм Бекжанов орталық жұмысының жандануына, онда тәрбиеленетін балаларға барша қолдау білдірген азаматтарға, көмек көрсеткен кәсіпкерлерге, кәсіпкер-меценат Мұрат Сәрсен­баевқа ерекше алғысын білдіріп, ақ батасын берді.

Сонымен қатар аудан әкімі «Дәметкен ана» орталығы ұжы­мының қызметкерлеріне рақметін айтып, еңбектеріне жеміс тіледі. «Дәметкен» жеке қорының пре­зиденті Дина Исмаилованы ­«Қаза­қ­с­тан Тәуелсіздігіне 30 жыл» мере­келік медалімен марапаттады.

Аталған орталық мамандары әрбір мерекеге тыңғылықты дайындалады. Бұған дейін Елбасы күні қарсаңында арнайы кеш өткізіп, онда педагог-психолог Асыл Қайырбеков Нұрсұлтан Назарбаевтың өмірі мен еңбегі жайында хабарлама жасаса, Аида Шауханбаева өлең оқыды.

Ал, Тәуелсіздік күні қарсаңында «Тәуелсіздік – ел бақыты» тақы­рыбында патриоттық бағы­т­та іс-шара өткізген әлеуметтік қызметкер Айқын Жакеева аудан әкімінің марапатына ие болды.